చౌడేపల్లి అక్టోబర్ 29 గరుడ దాత్రి న్యూస్
స్థానిక జిల్లా పరిషత్ ఉన్నత పాఠశాల (చారాల) వేదికగా 14 సంవత్సరాల లోపు (అండర్-14) బాలబాలికల ఉమ్మడి చిత్తూరు జిల్లా కబడ్డీ జట్టు ఎంపిక పోటీలు గురువారం అత్యంత వైభవంగా నిర్వహించారు. ఈ కార్యక్రమాన్ని మండల విద్యాశాఖాధికారి కేశవరెడ్డి, అన్నమయ్య జిల్లా స్కూల్ గేమ్స్ సెక్రటరీ రమేష్ బాబు, క్రిస్టిలు కలసి జ్యోతి ప్రజ్వలన చేసి అధికారికంగా ప్రారంభించారు.
550 మందికి పైగా క్రీడాకారులు, కోచ్‌ల భాగస్వామ్యం
ఈ జిల్లా స్థాయి ఎంపిక పోటీలకు ఉమ్మడి చిత్తూరు జిల్లాలోని పలు ప్రాంతాల నుండి సుమారు 400 మంది బాలబాలికలు, అలాగే 150 మందికి పైగా కోచ్‌లు, మేనేజర్లు హాజరయ్యారు. ఉత్సాహపూరిత వాతావరణంలో జరిగిన ఈ పోటీల్లో ప్రతిభ కనబరిచిన వారి నుంచి బాలుర విభాగంలో 16 మందిని, బాలికల విభాగంలో 16 మందిని తుది జట్టుకు ఎంపిక చేశారు. ఎంపికైన క్రీడాకారులకు ప్రత్యేక శిక్షణా శిబిరం (క్యాంప్) నిర్వహించనున్నారు.
ఈ జట్టు నవంబర్ చివరి వారంలో కృష్ణా జిల్లాలోని అవనిగడ్డలో జరగబోయే రాష్ట్ర స్థాయి కబడ్డీ పోటీలలో ఉమ్మడి చిత్తూరు జిల్లా తరఫున ప్రాతినిధ్యం వహించనుంది.
దాతలకు అభినందనలు
ఈ పోటీల నిర్వహణకు ఆర్థిక సహాయం అందించిన మేకల చిన్నేపల్లి పాఠశాల పూర్వ విద్యార్థి సుజన్ రాజు, చౌడేపల్లి దొరస్వామి కుమారుడు ధర్మ తేజలను పాఠశాల యజమాన్యం అధికారులు ప్రత్యేకంగా అభినందించారు.
పాల్గొన్న ముఖ్య ప్రముఖులు
ఈ ఎంపికల కార్యక్రమంలో వివిధ పాఠశాలల ప్రధానోపాధ్యాయులు పద్మజ (పుదీపట్ల), నాగ మల్లిక (ఏ.కొత్తకోట), చంద్రశేఖర్ (మేకల చిన్నేపల్లి), ఉమా శంకర్ (చౌడేపల్లి) పాల్గొని క్రీడాకారులను ఉత్సాహపరిచారు.
అలాగే విశ్రాంతి వ్యాయామ ఉపాధ్యాయులు రామచంద్ర, వెంకటేష్, సుబ్రహ్మణ్యం, అజయ్ కుమార్, సురేష్, నూరుద్దీన్, మనీలతో పాటు చారాల పాఠశాల ఉపాధ్యాయులు సహదేవయ్య, నారాయణ, నాగరాజా, రమణ బాబు, రూబీ రాణి, ప్రతిమ, శరత్ చంద్ర, మార్ కొండయ్య తదితరులు పాల్గొన్నారు.
ఈ కార్యక్రమ విశేషాలను పాఠశాల ప్రధానోపాధ్యాయురాలు వి. రేణుక, వ్యాయామ ఉపాధ్యాయుడు ఆర్. రాజేంద్ర బాబు తెలియజేశారు.