మురుగు కాలువలు నిర్మించి రోడ్డు వేయాలి

📰 Generate e-Paper Clip

సదుం, గరుడ ధాత్రి ఆగస్టు 2
సదుం నాయన పాకాల కొత్తగా నిర్మించనున్న సిమెంట్ రోడ్డుకు ఇరువైపులా మురుగునీటి కాలువలు నిర్మించి తర్వాత రోడ్డు వేయాలని మండల వైసీపీ నాయకులు డిమాండ్ చేశారు. ఈ మేరకు ఆదివారం వైసీపీ నాయకులు సదుం పోలీస్ స్టేషన్లో ఫిర్యాదు చేశారు. ఈ సందర్భంగా వారు మాట్లాడుతూ నాయన పాకాల మార్గంలో కూటమి నాయకులు ఇరుపక్కల డ్రైనేజీలు నిర్మించకుండా హడావుడిగా రోడ్డు వేసి చేతులు దులుపుకోవాలని ప్రయత్నిస్తున్నారని తెలిపారు. అయితే ఈ మార్గంలో స్థిర నివాసం ఉన్నవారు మాత్రం తమకు మురుగునీటి కాలువలు ఏర్పాటు చేసిన తర్వాతే రోడ్డు వేయాలని కోరుతున్నారని చెప్పారు. మురుగునీటి కాలువలు వేయకుండా రోడ్లు పనులు చేస్తే అడ్డుకుంటామని ఈ సందర్భంగా వారు వినతిపత్రం(ఫిర్యాదు) లో పేర్కొన్నారు. కార్యక్రమంలో జడ్పిటిసి సోమశేఖర్ రెడ్డి, మాజీ సర్పంచ్ లు సయ్యద్ భాష, నారాయణరెడ్డి, శ్రీనివాసులు, ఖాజాఫీర్, కమ్రుద్దీన్, మాజీ ఉపసర్పంచ్ బాబు రెడ్డి, రమేష్ బాబు, మనోజ్, తదితరులు పాల్గొన్నారు.