బైరెడ్డిపల్లి,అక్టోబర్ 21 గరుడదాత్రి:
బైరెడ్డిపల్లిలోని మొరవంక మలుపు వద్ద మంగళవారం రాత్రి సుమారు 11 గంటల సమయంలో రెండు ద్విచక్ర వాహనాలు ఢీకొన్నాయి. ఈ ప్రమాదంలో ఒకరు మృతి చెందగా, మరొకరు తీవ్రంగా గాయపడ్డారు.
వివరాల్లోకి వెళితే.. బేలుపల్లికి చెందిన మునిరత్నం కుమారుడు అనిల్ కుమార్ (35) ద్విచక్ర వాహనంపై మండలంలోని గంగారుపూర్‌కు వెళ్తుండగా, పలమనేరు నుంచి బైరెడ్డిపల్లి వైపు వస్తున్న నౌషాద్ కుమారుడు డానిష్ (19) ప్రయాణిస్తున్న మరో ద్విచక్ర వాహనం మొరవంక మలుపు వద్ద ఢీకొన్నట్లు సమాచారం.
ఈ ప్రమాదంలో అనిల్ కుమార్ తలకు బలమైన గాయాలు కావడంతో మృతి చెందాడు. డానిష్ తీవ్రంగా గాయపడటంతో అతడి పరిస్థితిపై ఆందోళన వ్యక్తమవుతోంది.
ఈ ఘటనకు సంబంధించి పూర్తి వివరాలు తెలియాల్సి ఉంది.