సోమల, ఆగస్టు 2 ( గరుడ ధాత్రి న్యూస్ ):
వైఎస్సార్ కాంగ్రెస్ పార్టీ రాష్ట్ర పిలుపు మేరకు దగా డీఎస్సీ, ఫీజు రీయింబర్స్మెంట్, నిరుద్యోగ భృతి అమలు చేయాలని డిమాండ్ చేస్తూ ఈ నెల 3వ తేదీన పుంగనూరులో టౌన్హాల్ సమావేశం నిర్వహించనున్నట్లు నియోజకవర్గ బీసీ సెల్ అధ్యక్షుడు సి. లక్ష్మీపతి రెడ్డి తెలిపారు. సోమవారం ఉదయం 10 గంటలకు పుంగనూరులోని జేఎండీ ఫంక్షన్ హాల్లో ఈ సమావేశం జరగనుందని ఆయన పేర్కొన్నారు. ఎమ్మెల్యే పెద్దిరెడ్డి రామచంద్రారెడ్డి, ఎంపీ పెద్దిరెడ్డి మిథున్రెడ్డి ఆదేశాల మేరకు ఈ కార్యక్రమాన్ని నిర్వహిస్తున్నట్లు తెలిపారు. సమావేశానికి ఎమ్మెల్యే పెద్దిరెడ్డి రామచంద్రారెడ్డి ముఖ్య అతిథిగా హాజరుకానున్నారని చెప్పారు. ఈ సందర్భంగా నియోజకవర్గంలోని రాష్ట్ర, జిల్లా, మండల స్థాయి పార్టీ నాయకులు, యువజన, విద్యార్థి, అనుబంధ విభాగాల నాయకులు, కార్యకర్తలు అధిక సంఖ్యలో హాజరై సమావేశాన్ని విజయవంతం చేయాలని ఆయన విజ్ఞప్తి చేశారు.
దగా డీఎస్సీ, ఫీజు రీయింబర్స్మెంట్, నిరుద్యోగ భృతి అమలుపై నేడు టౌన్హాల్ సమావేశం
RELATED ARTICLES